• 悠悠潭崗
• 2009年08月28日
• 艱險指數
• 念慈指數
• 庵友：Chang，WuLin
• 修行路線
• 

＊兩個港島友，一個新手，唔想去太遠，那我們到那裡？雙潭吧。於是，出現左n次的遊記再次出現。路線大致一樣，只是桃花依舊，人面全非。

＊落車之後行落童軍中心，先去水壩參觀參觀先。沿路景色好好，紅山半島果然係紅山半島，有錢真好。

＊十分寧靜清幽，隔離還有兩人捉魚玩樂的情境，看在眼內，十分寫意，令人流連忘返。

＊黎到大壩，有種莫名的興奮感覺，應該係因為之前黎過幾次大潭，都無落過黎睇下條大潭篤水壩，覺得差d野…雖然大壩唔夠澎湃，但興奮依然，拎起部DC仔，影影影。

＊如願後，順路去埋潭崗飛瀑。大壩右邊上石級後，要橫過同埋行一細段極之狹窄而又車來車往的大潭道，請小心小心。

＊黎到潭崗石澗，面對眼前的景物，記返第一次跟住持黎到個下，第一次行澗，面對不斷係石面流過的流水，要跨過去係幾咁令人淆底，猶豫十年都唔敢踏出一步=_=最後係第十一年硬住頭皮踏過去，順利過到，一直小心翼翼…今日帶新人黎到，已經變成眼尾一望，不再猶豫就踏過去，仲會好自然落d潭仔涼下…

＊潭崗飛瀑；瀑頂回望下個沙灘仔。

＊中水塘水壩，零水狀態。少了澎湃，卻能比以前更為閑遊，你睇d水靚到清到。

＊水聲潺潺的感覺真好，不過天氣都幾熱下，所以係呢個德勤不愉快潭，又要涼下。

＊碧水潭，水平如鏡，潭中好多魚。

＊餵完魚，上碧水灘，變左一塊大波板。睇睇幼體同究極體的分別=_=

＊中路突破，好快出澗。依照以往，通常都會行返柴灣閃人，但今日係閑遊模式。所以，只要換上新的心情，同樣的路線，卻能比以前走得更遠：經上水塘走向大風坳，再落魚涌歸家。

＊註：今次的雙潭係零水模式，如果想睇返究極形態的雙潭，可參考返「雙潭崗柴大」同埋「碧水舞雙潭」兩個遊記。