• 橫涌
• 2009年07月10日
• 艱險指數
• 念慈指數
• 庵友：曉斌漫
• 修行路線
• 

＊沒有住持的第x個庵活動（x是一個未知數），繼續由一班嘍囉自行亂闖。第一次亂闖行澗，都係揀返d一直想去而又平易近人的澗好。

＊星期五的日子，無乜車直到新娘潭總站，揀左75K入大尾篤，再行一大段馬路去入澗位。大熱天時，行段又悶又熱的馬路，真姚明，好在的係中途有班電單車手係條路度來回飛車x次，帶起我地內心深處一d問侯的話題，令到成段路無咁悶。

＊漫長的馬路過後，可以入澗啦。

＊入澗無耐，己經就到全澗最有睇頭的一段…

＊轉個靚彎，亦都到左全條澗最有氣勢的龍珠瀑，係咪走得啦=_=介紹返，龍珠瀑附近d石都幾崎嶇幾巨型，想走到瀑布下面睇睇都要有返d經驗先好。

＊要繼續前進，一d藝高人膽大的人會由右邊攀瀑上。我地安全第一，梗係左邊絲帶路兜山路上啦。係瀑頂望返落去，絕對唔建議畏高的人咁做，應該會嚇死。

＊嚇唔死的人，已經過左全澗最辛苦的位啦，之後好快會黎到水壩位。當中有個好大下的壺穴。而係水壩位向4，5點方向上望，會見到個紅番石，詳情可以留意下水壩附近地下的箭嘴位。

＊12點半入澗，2點黎到大休位：東北五潭之一的霜碧潭（另外四個係新娘潭、照鏡潭、屏嘉的嘉龍潭同埋屏南的老龍潭），果然好大。三條旱鴨係帶左一個水泡的情況下，輪流抱住個水泡落水，個下真係好差…=_=

＊悠閑地休左個半鐘，時間過得好快，快快趣行埋之後的旅程。

＊一個好有氣勢的瀑布，相信係大水個陣個氣應該會殺死人。

＊雙瀑。

＊成條澗後段有唔少呢d又大又平的大潭，環境令人鬼咁舒服，絕對係Amazing, Awesome, Beautiful, Cool, Fantastic, Gorgeous, Great, Incredible, Nice, Outstanding, Priceless, Remarkable, Stunning, Wonderful! (Jobs, 200x)

＊行多陣接近尾聲，會見到條橋的物體，直行又得，跟右邊條絲帶路又得。黎到呢度，行返條橋的右手邊，上一上山，行返落新娘潭路。

＊落到新娘潭路，如果係假日的話，係應該隔離就有巴士返大埔架，但今日係星期五的關係，我地又唔等架隔幾個鐘先有一班的小巴，所以都係行返條悶馬路出返大尾篤。在此奉勸各位，下次都係等假日，搭架275R入去啦。