• 猴塘十二
• 2009年06月21日
• 艱險指數
• 念慈指數
• 庵友：曉勤文鴨堯源姚展斌滿蘇Ning
• 修行路線
• 

＊話說近排住持返左鄉下實習，為人民服務；庵友們又要返工返學；加上天公唔造美，令到庵出動率低到慘不忍睹…活動一拖再拖，但神奇的係人數反而越拖越多，最終有破晒大會紀錄的12人參加，令人振奮。

＊約左9點係坑口等，遲到總係不能避免的事。2個幾鐘後11點幾先入澗。前幾日落過雨黎，水量非常唔錯，文鴨見狀亦都一野游過對面，消消暑先。

＊新手們就慢慢過去啦。

＊無耐就黎到個風景唔錯，亦都係全澗少有睇頭的景點，隔離有條唔知想點的鐵梯…黎到全澗難得一見的瀑布位，當然要走埋去享受下水力按摩，攀下瀑，如果唔係之後都無乜機會。

＊繼續上，幫各位影下小合照先。無耐係個潭邊執到條繩！睇落幾靚，以後的活動應該用得著，非常好！

＊呢2條友不斷尋求呢個挑戰，有好路唔走，係要走去攀瀑，同洪水搏鬥…=_=

＊叫到咁多人黎行澗，見到一班庵友笑得咁開心，作為長老都感到十分欣慰。

＊到大休點猴塘啦。星期日的關係，有好多人呀，瑟縮一二角飲下水，咬下包，浸下水。其實行澗真係無乜意慾食包架…德勤就帶左吉野家外賣，果然係有經驗！

＊順便講講，猴塘ｄ水質認真麻麻，水唔清唔在講，浸一浸會發覺有d黑色一條條的微細生物痴係身度，真棒…=_=

＊過左猴塘後好快就會到中途出澗位，接嶂上郊遊徑落返海下路，太陽開始出來了。落到海下路，有人以為行完，想逃走…=_=俾咁多車錢，梗係行埋下游先啦！

＊係大灘郊遊徑右邊落返澗。剛開始比較平緩易行，環境亦都十分清幽。

＊帶頭班友行得太快，一路向下，完全無視上年的滑梯位…行到咁上下就休息等下後面的庵友。兩張相完全係一個對比。

＊好快黎到巨石位，巨石真係好巨，唔係講笑。由下游入澗到呢度，用左一個鐘多少少，快得濟，破壞左閑遊興致…=_=

＊出澗之後，部分庵友們係疲勞轟炸下，選擇左搭一程車返家，代價就係沉重的車資；至於我地呢d貧苦大眾，當然慳得一蚊得一蚊，堅持返轉車模式，順便當操下意志啦。