• 大城佛法
• 2008年07月17日
• 艱險指數
• 念慈指數
• 庵友：流瑤勤曉B祖
• 修行路線
• 

＊大城石澗，我細細個就聽過呢個名架喇。雖然大城好出名，但對於第二次黎的我，已經覺得有點悶...=_=

＊照舊82小巴直達城門水塘，沿菠蘿壩自然教育徑前進。途中會經過白千層道，景色真係唔錯！行到灰橋附近，聽到唔少人聲，為免太逼，改走虎蹤徑到龍泉谷位附近入澗。

＊咁就省略左一大段澗路，撻到不行...=_=黎到龍泉谷，整理下防水設備起行。今日水量同水質都唔錯，非常好。

＊轉幾轉，好快就黎到杜鵑潭，靚字上面多左個喧賓奪主的石刻...黎到呢度，循例小休下，浸下水游下水消下暑。加上今日有救生員蝌蚪當值，安全度大增。

＊消完暑繼續行，爬下大鳥石，影下庵友。

＊一條龍澗口。

＊下一站楓葉潭，大休啦。呢個時候成班友聲稱無帶乾糧，當正自己係鐵人，絕對係行山的良好示範...=_=好在既係仲有一人有帶野食。

＊撻夠起行，好快就會見到個幾有氣勢的峽瀑，今次沿瀑右上，小心便可。瀑頂係個睇落幾陰濕的位，石黑樹多無陽光，右邊陰濕石小心上攀。

＊陰濕得黎又幾好風景...

＊過多一細段，黎到今日終點紅色肥佬麥。呢個時候，三名庵友行完澗趕住食tea，眼見另外三名庵友係度浸水清洗，竟然唔等埋三人走左去...=_=不過三名庵友浸完水之後抄捷徑（地圖紅線），成功反超，Yeah...=_=係小巴站慢慢等返佢地。最後一齊搭小巴返市區t模式。