• 雙龍二
• 2008年06月19日
• 艱險指數
• 念慈指數
• 庵友：流勤
• 修行路線
• 

＊賞畢珍珠銀礦兩瀑後。下午探索下嶼南雙龍石澗下游。

＊梅窩巴士站出發，可以選搭途經南山既分段巴士，亦可以徒步行過去。鳳徑第一段係梅窩至南山既車路，巴士係身邊擦過既感覺真係唔係太好。回望白銀鄉一帶，珍珠瀑銀礦瀑同古壩瀑等等合成一體，係谷地中央特別顯眼。

＊到南山再行多三分一左右，轉兩個大彎就到怡和路牌，隔離有座獨立屋，行多幾步路就到入澗位，即刻有大潭流瀑，可以浸一浸水先。

＊行上兩步有條長少少既流瀑，今日既水量唔大，雖然由瀑底望上去好似無咩特別，但係係隔離爬果時就會感覺到氣勢，細水果時應該可以正攀。連瀑頂舊石都要Like。

＊行前少少個中型潭有個細直角位，手腳位還可以，唔係大問題。其實呢個位下面有級石，可以行出少少用臂力同背肌推個人上去，免掉橫移跣腳既風險...（懶人做法）

＊沿途好多小潭小瀑，雖然唔係北龍玻璃水，但係水質依然貫徹大東作風，可以放心飲用。

＊中瀑一道。

＊就係咁，之後既澗貌同一般中型澗差唔多。石化左既方塊酥。

＊下游尾段景觀開始收窄，滿佈小淺潭。走過幾個小瀑，上面橫截上下游的是南大嶼郊遊徑，轉右經南山與鹿地塘返回梅窩作結。