• 三銀遊龍
• 2008年06月11日
• 艱險指數
• 念慈指數
• 庵友：流勤B
• 修行路線
• 

＊九龍坑山事件的一個月後，B野強勢加盟行澗行列。今次既主角係「港島一D冇乜人行既荒坑」，真係冇乜頭緒。筲箕灣集合，自然猜測是行石澳龍脊一帶，而今次既銀坑同遊龍坑就正正係源於龍脊。

＊乘搭往石澳的小巴，中途在土地灣巴士站下車，右轉樓梯落土地灣。眼見B野著對板鞋黎行澗忍不住要恥笑一番，就係咁，B野既反應咁岩比部拍緊片既DC捕捉到，自此成為佢既另一絕學…

＊激流會附近抄小路，快速走過蚊蟲樂園，入到銀坑村即刻有嘈到拆天既小狗夾道歡迎。行到慶烚烚浸一浸水，發現水中有條疑似食水喉…=_=

＊沿銀坑上升至引水道，接上右源上馬路。呢幾條支流有好多平易近人既小潭小瀑可供肆意正攀，澗邊小林唔會太密，水質亦可接受。

＊行落中源，溜左幾次冰既B野開始力疲，落到引水道前面有一潭過頭既小池可供大休浸水，仲有一隻肥大既蛙類陪伴。

＊休息完U-turn沿左源重返石澳道，轉左行一段馬路去到一個泊車位，B野先行離隊。

＊泊車位旁邊有條樓梯就係通往遊龍坑既入口，行幾步路見到一班滅蚊工人。

＊趁工人休息之際繼續上路，得到佢地既善意提點。遊龍坑既特點係落差大，澗程短，可以飽覽白筆山至主壩既大潭港，開揚到可以係對面馬路望過黎都見到。

＊行到咁上下會有個小壩，集了一池泥水，小心繞過即可。呢個時候有個滅蚊工人拿住掃把跟住我地落左黎睇風景…

＊引水道就係腳下，出澗係一個落差位，但係好安全，令人有一躍而下既念頭。

＊話咁快就行完遊龍坑。港島徑7段真係悶到呢。最後接水管路經地龍出柴灣食T。