• 白水碗
• 2008年06月08日
• 艱險指數
• 念慈指數
• 庵友：流勤
• 修行路線
• 

＊夏天，為大地帶來雨水。零八年六月一日起既一星期內，幾乎日日都有幾十毫米雨量，而六月六日更加錄得130.8毫米的雨量，住持原本打算到梧桐寨觀瀑。但係度過一整個雨夜後，雨並沒有停下來的跡象，而且烏雲密佈。上網一睇，黑雨=_=今次黑雨同時創下了一小時最高雨量紀錄，林村谷既山路應該全面崩潰，唯有明天再作打算...

＊三大毒瀑之二：白水碗，名字來源有兩種說法，但都唔重要了。重要既係佢收集哂流經大埔仔村同碧水新村的污水...

＊科大巴士站落車，沿巴士站旁邊既石級落去，已經係惡蚊既樂園。經過澗邊既廢田，到達滿佈枯枝垃圾既沙灘，實在雀躍得無話可說。

＊沙灘旁邊其實係可以入澗的，不過當時正值潮漲。唔想有機浸浴既話就行前少少...到工地旁邊，踏出入澗既第一步。呢個時候兩人已經開始感覺到，係呢度，就連風都係充滿清新氣息的。

＊澗道十分平緩好走，只有幾個小流瀑。除左垃圾之外，身邊既都係被昨日洪水沖至貼地既小樹長草，但又未至於阻擋前路。沿途仲有好多小石螺同蟾蜍王子相伴，真係user-friendly。

＊呢度既水最深都係及膝左右，經歷過前一日既世紀大黑雨，澗水呈現奶白色，實在想像唔到平時係咩顏色。所以話白水碗，並唔係浪得虛名。

＊澗末上攀至海拔五十米，亦即係全程走了十五分鐘左右，就到達目的地。白水碗飛瀑，兩人完全被佢既氣勢攝服，夾雜水花的強風不間斷地猛撞臉龐，眼睛...睜不開了=_=

＊忍受痛楚近距離捕影一番，set好腳架拍造型照，再同飛瀑來個熊抱。四十米的澎湃飛瀑，令人難以想像瀑頂係一條天然明渠。到你恢復清醒，已經太遲啦...數以千萬計既E.coli衝擊全身，令住持嚴重感染，膨脹成為輪胎人。

＊影夠快手收拾行裝，期間在瀑底驚動了腳邊一條四尺長的蛇。只見棕色的身影閃電一般跳進下游。嗯，似乎連蛇都知道呢條澗既潔淨程度。

＊快步逃出這裡！呢條澗對人類心靈的衝擊，實在太深刻，我終於崩潰了=_=路邊有一小池，正好用來沖沖腳，然後再到洗手間進一步沖洗一下。

＊趁仲有時間，不如漫步一番。經過邵氏片場，走到油站對面，上鴨仔山。

＊全程石級路，健行徑上好多公公婆婆同晨運設施。牛尾海景色一覽無遺，眼力好仲可以望到另一邊鷓鴣山上既小夏威夷。

＊繞過既呢個無名山峰叫玉女峰，睇起黎好尖聳，其實只係樹冠造成既錯覺。

＊輕鬆返回坑口，厚德食tea完成今次既賞瀑閒遊。