• 鹿鹿無窮
• 2007年08月18日
• 艱險指數
• 念慈指數
• 庵友：住持，張曉，史丹尼，米人，肥豬
• 修行路線
• 

＊雙鹿帶給人們的樂趣，無邊無際，無窮無盡。

＊再度五人成團，打的入西灣亭起步，下路過吹筒坳沿麥徑落大浪西，橫越沙灘到達雙鹿澗口。

＊一如以往沿淺灘直入，穿過橋底繼續行，小心避開深水位，好快就可以踏上極寬廣既岩石澗床。據聞未起水壩之前，橋底既位置係一個深水長潭，深到可以隨意插水，但由於水壩既興建令到夏季山洪威力大減，長潭好快就比石春填平，變成而家既樣子。

＊香港第一潭，雙鹿四疊，如此千呎巨潭只可以用完美黎形容，比霜壁，楓葉之流仲要高出幾班。潭呈方形，右邊為一列非常工整既直壁，造就左五米高台乙個。

＊做完一連串跳潭既指定動作之後，告別四疊，進入下游平流段，翠谷涓流確有另一番風味。

＊泳渡…完成漫長而曲折既平流段，巨壁千絲瀑佇立於前，所謂既平地一聲雷大概就係形容緊眼前既景象。

＊上攀千絲瀑。豬肚潭。

＊右路繞過水壩再次入澗，跨越鹿湖郊遊徑，鏡頭一轉黎到上游既第一瀑，鳴幽瀑。十餘尺飛瀑下接一新月形長潭，無論視，聽方面皆甚具美感。一攀潭畔右壁，洋人史丹尼以強悍臂力從容勝出，完全係力的表現…

＊嗚幽以上再遇平流段，是為中游平流段，澗邊既頹垣就係紅極一時既鹿湖村既殘骸，現稱鹿湖廢村。未幾，澗道回復開揚，眼前既係一個極壯闊既瀑景，藏幽瀑。

＊沿瀑左巨型梯級上攀，可見瀑頂既澗道突然急削成峽，要通過呢一段，唯一方法係沿住嶙峋既左壁一路橫移，是為鼎鼎大名之石棧道，大到連郊遊圖都畫埋出黎…

＊石棧道以上緊接三潭三瀑，分別名為獨鹿，烏鹿，馴鹿，其中以馴鹿潭最為旅者熟識，名氣只僅次於四疊潭。

＊…=_=

＊馴鹿潭大休後繼續沿澗上溯，幾十秒後，肥豬副眼鏡隨住迷人既瀑花投潭自盡，遺體長埋馴鹿腳下，直到永遠，善哉…上溯數分鐘，只見天塹巨壁三面環抱，一道流泉從天而降直墜深谷，氣勢極為懾人，是為全澗群瀑之最，井底瀑。

＊從右邊山路繞過巨壁登臨瀑頂，澗道豁然開朗，但轉眼間再次遇上另一胡同絕峽，奔槽瀑。左邊山路繞過，奔槽瀑後澗道再次回段平淡，以小河既形態蜿蜒穿梭於鹿湖高原之中，呢個時候可以由右邊山路經營地離澗，出返鹿湖郊遊徑。

＊最後沿鹿湖郊遊徑出北潭涌完成。