• 大城故事
• 2007年07月30日
• 艱險指數
• 念慈指數
• 庵友：流蓮求晴
• 修行路線
• 

＊大旱既七月天，想行澗玩水，只剩返大城一個選擇。

＊搭小巴上菠蘿壩起步，途中發現背囊骨架既兩條生鏽鐵枝已經直迫後腦，終於忍唔住要將我的背包解體，研製成多功能手套一隻。落車開啟城門，巧遇一個好強既瘋漢，用幾十年既文學修養怒斥一眾庵友唔讀書走黎行山，仲聲稱自己今年六十三歲，屬狗…=_=

＊使出絕學理睬．零成功擺脫瘋漢，直奔灰橋。行行下不禁諗返起頭先個瘋漢既說話，屈指一算，今年六十三歲無理由會屬狗囉唔該…灰橋入澗，大城既水量果然有保證，非常好。

＊下游一段澗道相當巨大，但九成以上都係悶極既亂石淺潭之類，景點只有幾段爛鬼石坡流瀑。插蓮哥哥完全無視石澗既危險性，當自己係湍蛙周圍亂咁跳，結果當然係不斷跣低，仆低，趴低，然後撻低…有不死身既佢當然乜事都無，比著第二個應該一早係咁先…

＊過龍泉谷後進入精華段，轉兩個彎就係杜鵑潭。呢個時候竟然落雨，大感動，成個月未見過雨點。

＊…=_=

＊落完雨繼續上路，濕左水既大城真係得個跣字…途中會經過大鳥石，同埋一條龍澗口。

＊極具名氣既楓葉潭，大休玩水，但係竟然再度出現未落水先落雨既情況，真係估佢唔到…閒日既楓葉潭潭水頗清，但寒到入骨，游兩轉即刻凍到變冰…條俠。

＊大休數十分鐘後繼續上路。楓葉潭以上尚有一連串飛瀑大潭，組成全澗最大型既潭瀑群。首先見到既係一條澎湃既峽瀑。

＊峽瀑以上係一個大深潭，上接一闊瀑，環境非常陰濕，潭後既濕壁就係全澗最騎呢既位置，不過只要小腦運作正常，問題應該唔大。唔爬既話可以選擇兜山路，但基本上一樣濕濟…

＊再過多三數級潭瀑，澗道收窄，亂石澗道重現，呢段亦係全澗最跣既一段（唔計西南坑同北坑）。

＊肥佬麥留影。離澗經虎蹤徑落山出菠蘿壩完成，縱使一眾庵友跑得好快，但最後t模式仍然宣佈失敗…