• 尋覓冷青
• 2006年08月13日
• 艱險指數
• 念慈指數
• 庵友：住持，花，dina，marcus，文，修
• 修行路線
• 

＊大冷水，青山腹地第二澗，青大水系既右支，源遠流長，水系覆蓋範圍比青大主澗更廣。大冷水源起青山西北方既一道分水嶺，流經花香爐廢村，以及廢村下游平緩而狹長既田野地帶（亦為大冷水一名所指代），最後以L形大拐彎既形態與青大主澗匯合出海。大冷水堪稱境內極端石澗之首，澗貌變化萬分迴異，下段為月巴非常既花崗岩石坡澗道，上段為境內獨一無二既蜿蜒河廊。所謂既河廊，即係澗道兩旁被水沖刷成垂直既泥牆，坑槽狀既小澗床底部被沉積物填平既樣子。

＊屯門市中心集合，K52入龍鼓灘，車程彷彿十年般漫長，閒聊影下相之餘又不忙研究下青山東稜既絕壁，以及青山腹地既奇岩。總站落車大路入山，為左唔想烈日下強登花香爐頂，上皇帝岩前穿越澗邊蕉林進入花朗古道。古道路胚明顯，但頗萌，唔想夏日剷林既話可以選擇剷上右方山脊繞過。

＊沿古道谷位上山，漸見開揚，秋冬多大隊開既話應該會變返大路。翻越山坳進入花香爐谷地，狹長既峽谷高原十分特別，而舉目望去高原中央既蜿蜒小河正是是日既目標物。

＊求其搵個位避開廢田沼澤剷落澗，一落澗剛好係方包石以下，大冷水河廊既頂端。進入河廊，果真有亞馬遜之感，尤其係一踩落去澗水混濁唔知水入面有d咩毒蛇毒蛙食人倉等珍禽異獸既時候…=_=

＊河廊一段十分漫長，轉左萬丈x曲都未見到出口，真係令人氣餒…河廊後段漸見開揚，環顧四周仿佛置身於荒漠中既綠洲。

＊行左半個時辰左右，終於黎到河廊下游出口，澗道忽然由無澗道變為寬闊廿倍既巨型石坡，蔚為奇觀。呢個位亦都係花香爐頂既主要登山口之一，冬天既時候不時會見到大隊在此小休沐足，甚為浪漫…

＊沿綿長既石坡緩緩下降，澗貌十分宏偉。石坡中段有大潭一口，為大冷水主潭，潭中既泥黃色混濁物正是河廊一段堆積左n年既有機沉積物…所以，下次還是上溯好了…

＊路過禾塘頭下既L形大拐彎，澗道稍為收窄，經過數口小峽潭，再順水而下便到達青大兩大水系既分源位。

＊轉溯青大主澗，dina二人沿舊軍路先行告退。天色已漸沉，落日如…剩餘既5人憑住佢地對青大四疊既一份執著繼續上溯。十七時兩刻終抵青大四疊，完全無視一陣間要摸黑落山，小休玩樂返半個時辰…奇遇記後唔夠一個禮拜再臨以地，水泡依舊，但記者先生不在…

＊…=_=

＊十八時兩刻繼續上溯，已有迷失五渡水既準備…四疊頂回望青大精華段，極出色既一段澗道，與大冷河廊同為境內有獨無偶既天然景觀。唔，啟動一下懶惰模式：青大四疊在此不多作介紹了，有興趣請參閱一下其他庵遊記…

＊壁頂斜瀑之上便是default離澗大路，經視察後發現已變成custom，唔知做乜萌到錨mu，放棄…繼續上溯轉入左源，發現谷位既另一道離澗大路亦比玻野玻邏密還要密…算了吧，眼見就黎黑齊，為免夜困青山腹地淪為枯骨，沿草坡直剷上脊就是了…

＊力克浮沙碎石剷左一打等高線之後終於接返脊頂既default離澗路，摸黑直奔良田坳落山以d模式作結。