• 碧水舞雙潭
• 2006年07月28日
• 艱險指數
• 念慈指數
• 庵友：住持，麟，史丹尼
• 修行路線
• 

＊史丹尼回鄉探親，加上庵草肉麟，最強既組合終於出現。早上既黃雨黎得真係合時，令到三人有機會冒死出山…為左增加遊戲既刺激性，今日特登倒轉黎玩，先落壩底，再入潭崗，最後先玩雙潭。

＊十四時半塘口起步，馬路落大潭村一睹全滿既大潭篤水壩，十分澎湃。

＊十支巨瀑合而為一，氣勢有如萬馬奔騰。

＊壩頭上返馬路，下路入潭崗飛瀑。雨後既飛瀑添了一份秀逸。

＊賞罷飛瀑沿下路入水塘，斜坡頂望落去，今日既水量十分理想。馬路落返塘尾入溯今日既主打雙潭。

＊經過中塘壩底入澗，一開始首先要同急流搏鬥一下。

＊闊瀑變成激流。

＊一路都無玩到水，因為d潭全部變晒洗衣機…=_=

＊史丹尼。麟。

＊碧水潭，潭後面既瀑布極洶湧，連泳術一流既肉麟都無辦法游到埋去，我同史丹尼就更加唔駛講…

＊進入全澗最精彩既部份，澗水活像一銀龍遊走於瀑壁之間，景象非常雄偉。

＊碧水灘。

＊上到碧水灘頂，回望返下面既澗谷，景色絕對可以同外國既名山大川比擬，個人覺得呢個景絕對係港島東，港島最。

＊半葉潭。倒s形既半葉瀑，亦係全澗唯一難關，今日沿正壁上攀既話應該只會製造屍體污染環境，唯有左邊剷林避過。

＊瀑頂陰濕位過返澗就可以離澗上燒烤場，順便欣賞下全滿既副塘水壩。

＊最後漫步落返塘口，感受下水塘既湖光山色，洗滌心靈。