• 仙散橫涌
• 2006年06月14日
• 艱險指數
• 念慈指數
• 庵友：住持，竺老師，wade，marcus，syl，abc，小狗
• 修行路線
• 

＊每逢驅車於新娘潭路，甫過涌背，抬首一望，不難發現八仙東麓腰間既一道濕壁，高聳而狹長，是為仙散石澗既唯一景點。遠觀，很濕濟；褻玩其中，更覺濕濟…=_=結論係：仙散，如果唔係玩到無野好玩，睇下相夠架喇…是日既行友十分diverse，有現職領隊，有行山界著名前輩，有來自兩個著名郊遊網站既有為青年，更有小狗乙隻…

＊順風車直入涌尾，沿新娘潭路行返轉頭，涌背前既一個小彎位入澗。仙散既下游同一般陰濕狹坑無異，完全零景觀，只想盡快脫出…順帶一提，因為連日既暴雨，今日既水量比氣候平均值高一至兩個sd，為無為既旅程添加左少許無為既難度分…

＊沿陰濕坑繼續上溯，難度不大，但煩度甚高…未幾，眾人見證a先生開心得滯做出無比science既行為，腰包一個唔為意沉沒了，令流動電話同數位相機同時駕崩…唔，節哀順變…

＊澗道開始上陡，總算脫離零景觀既下游。到達仙散巨壁底部既緩衝區，見到一隻暴走中既巨型刺蝟，真係來一嚇…

＊談不上係一幅瀑布既仙散巨壁，大水既環境依然呈現濕壁既形態，平時應該只會更x…壁底審視一番之後分n路上攀，除左身手不凡既燒隊員同埋兜左邊山路既a先生，其餘3人均濕濟非常，先有兩敢不敵壁右既陡林被迫下降移入險惡既中路；再有住持沿中路正攀途中入錯線，最後唯有好後悔咁借幾條爛鬼草根之助典上壁頂既垂直岩柱，成功離難，不用罹難…=_=

＊掙扎中既兩敢。回望仙散巨壁，十分險惡。

＊壁頂小休一會睇下風景後繼續上路，入林後沿曲流帶上溯，穿過一段竹林後接返衛10出澗。

＊鏡頭一轉已經黎到橫涌，會合閒遊模式既竺老師同小狗，等了良久先等到入錯竹坑既wade同a先生。郊遊徑下既廣闊石坡大休開餐，豐富程度有金峰既8成，真係要講返聲多謝前輩。

＊大休後沿繞絲溪下溯橫涌精華段，大水之下依然十分閒遊。途中小狗朝壺穴牌洗衣機一躍而下，嘔心瀝血原地在轉，轉不出快樂仍在轉，跟住好似漢城咁沉沒了…=_=幸好最後wade見狀跳入洗衣機冒死相救，真敢人。

＊霜壁潭小休撻水，玩到失溫繼續落澗。

＊山路下降龍珠瀑。驚聞竺前輩從來未行過呢段山路，每次上落橫涌皆以正攀龍珠瀑既方式越過，真高手。下降其間因為林中太多吸血既生物，大家落慌而逃，失散了…落到澗口發現唔見左前輩一家兩口一狗，原來兩母子因為要照顧濕濟小狗，沿山路屈左上玉女峰慢慢典落山，有驚無險，但少不免比蚊針到貧血…最後搭順風車返大埔光顧免費澡堂，上市場夜宴。