• 吊手岩北脊
• 2009年03月16日
• 艱險指數
• 念慈指數
• 庵友：張曉，嘉文
• 修行路線
• 

＊一年一度的馬鞍山賞花團，都係擺脫唔到2人模式的宿命。順帶一提，今次亦都係張曉長老首次帶領的行山活動，係時候考驗下啦…咁嘉文呢？佢負責行姐。

＊話說上年曾經同住持黎過，但對於行過的路線早已忘記得七七八八，所以長老對今次帶隊的信心非常不足，絕對係未出發先興奮架。介紹返先，今日個路線係經雁谷迷徑上吊手岩北脊，登牛押馬鞍，再經廢礦場回家。長老對於前半的記憶全忘，後半還可。

＊第一個Mission：搵捷徑入口。11點幾黎到恆安站C出口，對一帶環境只有一個諗法：咩黎架！？好在轉個靚彎之後，有返D印象，而藏係內心深處的記憶都慢慢浮現返，越行越有呀！好順利搵到傳說中的捷徑。不過上左一段之後，D記憶無晒=_=兜兜轉轉遇到個阿伯，請教之下行返正路，不過就錯過左另一個捷徑，行多一大段斜路，辛苦到錨mu。圖左係捷徑入口；右係錯過的第二個捷徑。

＊大約12點到，終於到馬鞍山郊野公園。小休一回，出發。公園左邊家樂徑前進，跳過吊手岩繼續前行，進入雁谷迷徑。

＊沙田火炭一帶。

＊第二個Mission：搵北脊入口。拎住尋晚係各行山網影落的地圖，逐個峽逐個脊對照一下，先是石疊峽，金毛狗峽，靈猿守谷的後一個峽後就是吊手岩北脊。兩人行左半個鐘到，亂估已經過左靈猿守谷及黃金壁脊，下一個絲帶位應係北脊啦，於是就上去啦。

＊上左去之後，發覺同網上所描述的北脊很相似，應該行對路啦。北脊的路都算好行，幾乎全程都有前人留低的繩索帶路，而且唔算太崎嶇。

＊上左大約半粒鐘，接近吊手岩頂啦，之後一條路到馬鞍頭，唔使記憶都行到。呢個時候亦都開始見到D杜鵑花。

＊華麗杜鵑。

＊牛押，馬鞍。

＊上得越高越多杜鵑，同上年一樣9成都係華麗杜鵑，都係有D殘。當日唯一見到的紅杜鵑，於吊手岩頂。

＊係吊手岩頂影下相，作為小休的藉口。上段斜路到牛押山，再休息下咬下包先啦=_=因為之後最辛苦的一段黎緊，上對面的馬鞍頭。

＊華麗杜鵑。

＊企嶺下海。

＊回影一下吊手岩頂及牛押山。前面的馬鞍頭。

＊終於到馬鞍頭頂，702米，大休一個鐘！係山頂四圍望下，環境認真麻麻，成大個灰色Mask遮住。再影下D跳躍相。

＊落山路，幾崎嶇，幾有挑戰性。

＊落落下見到第3種杜鵑啦，羊角杜鵑。

＊落呀落落呀落落呀落，見到個崩左一半的山。

＊途中有些少疑似分岔路，好在長老都能夠順利撞中正路，感謝天主…落到神鵰的終南山，某電視台的拍懸崖戲勝地。拾獲仿真的工作人員留下的粗心道具乙件。

＊到另一拍戲位。

＊最後沿石屎大路出返郊野公園回程，途中有可愛小狗數隻夾道歡迎，嘉文把玩一番才肯擺手。後話：今次首次長老帶隊活動總算有驚無險咁完成，非常好。