• 紅花嶺峰騷
• 2008年10月17日
• 艱險指數
• 念慈指數
• 庵友：流文麒
• 修行路線
• 

＊紅花嶺，位處緩衝區邊界，境內最北既一座高山，單車四嶽之東北嶽，為四嶽之中最偏遠者。山巔高度近五百公尺，本為四嶽之首，唯水泥車路僅築至山巔西南，海拔四百米之發射站以下，加上車路十分寬闊平整，使其成為四嶽之中最平易近人者。自某庵友於東南嶽失事後，作為住持既當然深表怯意，唯有盡快完成四嶽之途，好讓單車修行close file…=_=

＊一切如常，太和開車，印象中好似從未出現過呢個庵友配搭。沿大埔－粉嶺單車幹線北上，走入單車四嶽既中心地帶。

＊掠過粉嶺市區，轉入沙頭角公路，小心翼翼朝祖國文明直線前進。

＊雖則公路兩旁大致上都係平原地帶，但山仍是有的。右有屏風白燕南山龜頭群峰，呢個角度望埋去十分新鮮；而左前方既高山就係豪傑既所在地，睇落仲有成光年咁遙遠，一諗起陣間沿路回程要double返個里數，頓時卻一卻步…

＊踩左足足半條沙頭角公路，實在悶到錨mu…左轉禾徑山路，順手將兩名垃圾庵友還原返去一個適合佢地既地方…

＊路上太多垃圾車，多到有點兒頂唔順，轉入支路比對lung抖一抖。長山古寺前右轉上山，開頭一段斜度甚大，應該係全程最斜既一段，上左唔夠十分一已經開始出現高山反應(Pak, 200x)…

＊單車修行既精髓，不是飛車耶耶耶，而是推車upupup…=_=經過數次單車修行，發現其實庵友們只要有得推單車就會滿足，有無得上車踩都只係其次…

＊沿禾徑山東麓緩登紅禾二山之間既小坳，呢一段既彎位頗多，坡度較緩。

＊脫離禾徑，車路轉趨紅花之巔，景觀漸見開揚。

＊龜頭，屏風，雲山，刀刃…

＊只一個s彎，已分高下…

＊s彎過後，繼續紅花西脊。你班友唔好再我再扮喇…=_=

＊西脊後段附設全景模式，景觀一絕。車路已盡，發射站下直昇機坪小休。原本打算mtb登頂，但抬首一望百米以上既山癲，只好說句：on郊野，都係不宜咁多能源…

＊深圳與小梧桐。紅花嶺與小童…

＊下山去，無法推車，少不免有點唏噓，唯有拍攝返一套以賽車為主題既科幻庵電影，由海倫。艾倫主演，片長9分43秒，IIA級，票房十分良好…=_=如欲收看，請從速向念慈庵住持查詢，謝謝…上過紅花，會過豪傑，沿禾徑山路，沙公，大粉幹線打道回府。

＊單車四嶽之旅，暫告一段落。