- 九龍坑山
- 2008年05月08日
- 艱險指數
- 念慈指數
- 庵友：流曉B
- 修行路線
＊九龍坑山，單車四嶽之東南嶽，車路達至近海拔四百三十米，論高度屬四嶽之最。山陽為大埔市中心，登遊方便，從大埔頭沿衛徑八段天梯拾級而上即可直達山巔；山陰築有車路一條，長四公里許，由北轉西直降大窩谷地之橋頭。
＊經過尋日既單車剷林之旅，住持既hp已經所剩無幾，但為左滿足兩名無情既庵友既出山慾，唯有乖乖就範…大埔富雅出車，經過幾秒鐘既瘋狂還價，老細隨即投降，輸一半，半價成交。開車直奔橋頭四叉路口，左邊西南嶽，直去粉嶺，右邊九龍坑山，可惜今日我三條路都唔想行，站在十字路的交點，該怎麼走？我卻只想回頭…
＊烈日推車登山，的確係好harsh既活動，未上完第一段斜路張曉長老已經呈崩潰狀，慘被freshman B野恥笑。抬頭一望東南嶽之巔，仲有漫漫長路。
＊大窩&林村谷，右邊座山就係尋日MTB既地方。
＊過左桔仔山坳之後條路開始急斜，出現好多又長又直既斜路，住持繼續以僅存既hp遙遙領先，張曉繼續做rds。（註：rds=rate-determining step）
＊臨到個亭之前一段，亦係全程斜est既一段，斜到痴線…
＊涼亭小休，等埋後面兩隻龜。呢個時候已經攀升左四分三既高度，最後一段路既坡道亦慢慢放緩，加上上到山脊總算有少少風，所以推得尚算輕鬆。
＊經過個幾鐘頭既苦戰，三名庵友終於到頂，山頂個塔大修緊，應該係裝緊高清。繼續沿馬路兜去山巔以南既大空地休息一番，成功搵到遮蔭物，汽車一輛。
＊抬車無難度…
＊山陽既衛徑天梯，大埔市，吐露港，再遠仲有馬鞍山市。
＊抖多陣就沿路落山回巢。滿以為落山可以輕輕鬆鬆，點知…
＊落到中段，突然聽到後面有人慘叫，即刻停車望返轉頭啦，我見到一個定左格既畫面：一個叫B野既人飛左上半空…=_=親眼目睹如此慘況，除左驚慌之外基本上唔會比到其他反應…說時遲那時快，佢翻騰左兩周，轉體一周，動作非常流暢，但可惜最後壓唔切水花…
＊一連串猛烈既撞擊之後，B野終於停低左，我衝埋去望下，哦，好彩佢都仲未變成一具屍體，只係全身浴血咁姐，應該無乜野既…經過一輪細心既護理，見佢仲勉強行得走得，唯有叫佢自己慢慢行住落山先啦。由於張曉長老一早已經落左山，我唯有一條友拖住兩架車典落山，hp降至負數…
＊落山途中。
＊回到橋頭，會合庵友。呢個時候B野睇黎已經無乜大礙，佢決定拖住沉重既傷口完成餘下既旅程，如此堅毅既精神十分令人敬佩。題外話，B野由意外發生既一刻開始完全無擔心過自己d手手腳腳駛唔駛切除，只係驚屋企人見到佢既傷勢會勁擔心，呢一份孝心足以令眾庵友感動落淚。
＊美麗的黃昏，卻添了傷痕；豐富的夜宴，也少了一人…