• 大坦黑夜
• 2007年11月15-16日
• 艱險指數
• 念慈指數
• 庵友：流瑤勤麒龔鴨
• 修行路線
• 

＊話說某某生物老師強迫佢既門生去大灘研究生物多樣性，庵友們決定將呢個無為既鴨仔團轉化成精彩而撻皮既庵活動…印象中今次係念慈庵官方首次露營活動，當然要搞得好好睇睇，經過半日既積極宣傳，反應非常熱烈，最後更獲得兩名非生物同學支持，非常好。

＊朝早放學後先行集合一次，商議左足足兩分鐘，黎個粗略到離譜既分工，然後各自回家修行兩小時…下晝油塘再度集合，94直入大灘營地，一落車就地起營呢個做法實在撻皮到不行…

＊安頓好一切之後行落黃石聽海，途中見到一隻無頭既牛…

＊黃昏既黃石十分寧靜，只有輕舟三數葉，漁民三數個，以及情侶三數對。

＊係時候返營地烹飪一下，眾庵友誤將女洗手間當成廚房…更底線既係，入面竟然藏有『紙廁所』乙個…=_=

＊爐火未盛，營火又起，造就左一群無腳既人。

＊晚飯時間，菜式非常豐富，n送一湯，白飯有半碗比你裝。最出色既莫過於兩大碗咖哩，除左可以令大家吃得津津有味，仲可以訓練一下受害者（這是後話）既洗碗技巧…

＊用餐後，營火再次成為眾人既玩具，正當大家打得火熱既時候，可憐既德勤竟然黎個精彩絕倫既跣腳，差d淪為燃料…庵友們見狀少不免要收歛一下，降低遊戲既艱險指數，將焦點轉移至光子遊戲。

＊經過多番嘗試，大家既技術開始慢慢提升。

＊本年度得獎作品…=_=

＊由於剩餘物資過於豐盛，決定增設宵夜環節，而且食物既份量絕不遜於之前既晚餐，你班食肉獸丫…=_=食完宵夜眾人均顯得疲憊不堪，唯有入營訓覺，但由於屈蛇指數太高，加上與本人同床異夢既竟然係海倫，最後，我獲得零小時既安睡…=_=

＊翌日七時許，終於忍受唔住窗外陽光既誘惑，靜靜雞走左出去行晨運，一睹真正既大灘風貌。

＊晨運歸來，眾人依然睡至崩潰狀，見到咁既情況，作為住持既當然要運用適當既武力將佢地著個著個剷起身…九點幾開始邊爐早餐，可能我地既食物實在太豐富，赤徑猴王都忍唔住要上黎拜會一下。又到洗碗時間，以最殘酷既剪刀石頭布挑選勞工，由尋日到而家我經已三戰全敗喇陰功…=_=

＊新物種，飛天螳螂…

＊十一點會合鴨仔團後離開營地下海去，眾庵友完全無視什麼生物多樣性云云，行出海中心延續庵活動，包括習泳，捕魚等等。最後的最後，德勤以一幕精彩既遇溺作結，廿四小時內親嘗水攻火險，令人十分羨慕…=_=