• 石澳之晨
• 2007年08月02-03日
• 艱險指數
• 念慈指數
• 庵友：邦達卓督賢
• 修行路線
• 

＊石澳，港島東岸三大岬角之居中者，東臨大海，交通便利，實為觀日良地。

＊一年一度既石澳bbq，可謂歷盡艱辛，霸唔到爐要走上大頭洲不特只，更有借用路燈，林瑤嘔吐等危險畫面…=_=欣賞完完美月出之後終於成功入主正灘。燒到咁上下d人都走得七七八八，包括林瑤月巴等等，淨返五名青年繼續撻皮等天光。

＊對上一次睇日出已經係上年奪寶奇兵既事，今日咁好天氣亦無謂浪費，一行五人向大頭洲進發，區區五十六米有如五百六十米咁高…四時三刻上到山頂個亭，個天已經開始呈暗紅色，而且能見度亦相當唔錯。雖然良辰美景當前，但嚴重既沙蝨既問題真係令人崩x潰，基本上可以感覺到強大既沙蝨團隊撲上身係咁咬，任人魚肉指數趨向無限…=_=唯有一路等一路跳…

＊個天愈黎愈光，日出前既華麗色彩終於出現，完美既紅藍空間漸變，加上由深至淺既時間漸變，一絕。另外，可惡既沙蝨團隊變成visible，雖然有得睇住黎拍，但仍然無辦法降低任人魚肉指數，再咁落去好驚會中毒身亡…順帶一提，艱險指數既三粒星完全係奉獻比呢群厭惡性生物…

＊最熟識，最美麗既天空顏色。

＊日出前既大海，顯得格外寧靜。

＊從天空既顏色可以推斷到日出會比東龍島完全吞沒，加上沙蝨既多番激勵，令我地隨緣地拋下便逃走，呢個決定非常明智。

＊五分洲。愛恨交纏既鶴咀山。

＊擁抱清晨既石澳氣息，回到正灘，眼前既沖身設施令眾人異常感動…沙蝨們，再見了…