• 仁興
• 2007年01月13日
• 艱險指數
• 念慈指數
• 庵友：住持，和，花
• 修行路線
• 

＊仁興礦業有限公司，曾幾何時係全港最大既鎢礦公司，規模甚大，廠址位於針山南部，幅員三百幾公頃。公司既壽命長達五十年，一九六七年終於因為做唔住而執笠，留低左大量頹垣敗瓦，同埋一堆大大小小既礦坑。雖然仁興礦坑既環境遠比馬礦安全，但礦坑呢樣野，我建議大家見識過就算…

＊安蔭大路上山，兜好大個圈先接得返麥徑過孖指徑，下次都係行返電塔小路上。路過城門地堡，入去熱下身，行行下入錯戰壕唔知行左去邊…搞左一輪先出得返麥徑，落城水過大壩進入仁興既領域。

＊沿仁興大路橫行，首先會經過總部，好大規模既建築群。去到第一個大凹位，下面就係二號坑，但搵唔到靚路落去，放棄…搵路既時候見到大路上面有一條石河，根據經驗，石河頂必定有礦坑，於是沿石河上攀，上到頂發現不知名礦坑一個。

＊礦坑好短，應該得十米八米左右，但精彩之處既係礦坑中段比一條採空左既垂直礦脈間斷左，跨越礦脈既一下真係心都離一離…

＊玩完？坑之後落返大路，過左二號山之後會見到右邊有條向下既小路。沿小路落一段，會見到一撻大平地，轉入去就係三號坑。三號坑既大門幾別緻，由鐵窗望入去，只見到入面係一個大型水洞，靚到絕，但唔想濕腳唯有放棄…平地附近既建築規模一d都唔細，再加上XL大小既礦坑，估計三號坑應該係當時既主要礦坑之一。

＊上返大路，一路向東行就可以出返通入露天礦區既馬路。馬路邊有三個小型礦洞，編號分別係四，五，六，只有五號坑既入口比較好少少，但行入兩步感覺到極唔通風所以放棄。

＊鐵窗邊緣…

＊沿下城水馬路西行，無耐會見到右邊草地有條小路，一直通去入面既坑谷，可以經過8號坑上返3號坑。坑谷盡頭有條石河，石河頂就係8號坑，個入口好x…=_=

＊八號坑入口比一道厚厚既石牆封住，頂部比人鑿開左個窿，勁細而且離地好高，要借前人放置既一塊爛鐵之助先勉強典到入去，真係好坎坷…和仔見到咁唯有放棄…

＊八號坑應該係仁興眾多礦坑之中最精彩既一個，洞道深長而複雜，闊大而完整，入面仲留低左好多公司資源。

＊主洞道行到尾轉右會見到玻璃水潭一個，睇清楚d會見到水底有一條向下既通道，極完整，路牌寫住可以通去咩一號直井，識潛水既朋友可以一試…

＊礦車。

＊完整既木梯。八號坑係一眾垂直礦脈既底部，照理上沿住採空左既礦脈向上爬，係可以由其他洞口出返黎架，成功既話就真係好癲…礦坑入面間唔中會見到礦車軌。

＊重見天日，和仔久等了。沿路出返馬路繼續西行。

＊塘尾手臂彎位附近有一片草地，入面竟然有個超巨型既洞，大到連貨車都擺得入，但唔係太深…由於無資料記載，暫且叫佢做『un窿』先…個人估計呢個洞應該同仁興無關，有可能係當年城隧工程用作探土既洞。

＊最後落雙城石澗，三百級上城水出菠蘿壩完成。