• 冬日登鵝
• 2006年12月28日
• 艱險指數
• 念慈指數
• 庵友：流邦
• 修行路線
• 

＊飛鵝山，又名飛蛾山，赤望山，九龍山，高海拔六百零二米，九龍群山之首，因形肖飛蛾而得名。山勢巍峨雄偉，彷彿一座石城拔地而起，西南麓人稱鵝肚，稜脊之間均為一瀉千仞之絕壁。

＊彩虹起步，先入彩輝一覽鵝肚全景。由左至右，佇人左脊，佇人坑，佇人右脊，鵝肚坑，佇鷹脊，鵝肚波板，德望坑，日落脊，當然唔少得右邊近頂既自殺崖。

＊繼續沿清水灣道東行至茶寮坳，本來想由南路直上，點知都係快唔過私家路撲出黎既幾隻衰狗，次次都係咁，放棄…=_=

＊沿飛鵝山道上山，過基維爾營之後到手臂彎觀景台。

＊開始沿脊縱走，觀景台前面個山仔就係所謂既東山，難度係零。

＊穿過電塔，回落低坳，接住既一排山峰就係象山，明顯比東山更似一座山。

＊登象山第一峰既一段應該係全程最辛苦，上到頂就世界，前面一路都只係十米以內既小上小落。經過五六個高度相若既山峰之後就到象山主峰，山頂有個石錐，唔知係咪墳黎所以唔敢亂咁藪。

＊象山之後既就係飛鵝山，沿脊回落一小段再上，會見到路邊有舊疊石，著名既蛇頭響石。

＊飛鵝之巔。

＊登頂後沿路落返十字路口，經倚天脊落山，非常方便快捷，可以一口氣跑到落扎山道，唔錯。欣賞完黃昏光既鵝肚，沿馬路出彩虹收工。