• 庵聶
• 2006年12月24日
• 艱險指數
• 念慈指數
• 庵友：住持
• 修行路線
• 

＊聶高信山土名蜈蚣嶺，高海拔四百三十米，位於港島山脈中部，整支山脈最狹窄既位置。山形異常奇特，北坡極陡，南麓亦有兩處斷崖，緩坡陡崖互相交替，構成一座好有立體感既奇異山體。

＊灣仔起步，灣仔峽道直上灣仔峽，南走中峽道，再逆走港島徑落斜，呢堆蛇餅真係落到崩潰…沿引水道東行，山脊開揚位可以望到上面既蜈蚣峽同埋蜈蚣南崖，氣勢非凡。引水道尾沿石級上布力徑。

＊沿布力徑西行，出石門岩睇下風景。石門岩係聶高信山西南面一個非常突兀既圓形山咀，南面一列崖壁中部陷削成隱峽，現稱蜈蚣峽，我諗『石門』可能係指緊呢樣。睇完風景沿對面石級一登蜈蚣之巔。

＊山頂既發射站。南脊落山，頭段竟然密到路胚都無埋，唯有自己剷，足足同長草灌木叢搏鬥左兩分鐘呀陰功…

＊落落下會見到一組巨岩，就係所謂既面具石。

＊面具石土名蜈蚣咀，一舊非常巨大既花崗岩突石，石後面仲有洞可穿，肥少少都過唔到…黎講聶高信山既石質都幾混雜，呢個可能係導致地形古怪既原因之一。

＊正所謂面具掩飾空虛，舊石點面具法當然要自己參透下…

＊落返布力徑出黃．涌峽，水塘壩尾入紫羅蘭山徑。回望返聶高信山，個山好似比人批走左幾忽咁…

＊紫徑一景。

＊紫淺九號既深谷。

＊紫淺十號。黃昏既淺水灣。行完紫徑，接衛徑落淺水灣坳。

＊最後經中塘出塘口完成。