- 白沙頭
- 2006年08月18日
- 艱險指數
- 念慈指數
- 庵友：住持
- 修行路線
＊白沙頭乃赤門北岸既一個孤島，全島最高點為三門墩，高海拔一百零五米，為上建有三門仔村。而所謂既三門仔，即係白沙頭白排角，東頭洲，東頭排，以及虎頭沙半島伯公咀之間所形成既三條小水道。由於幾十年前船灣淡水湖既興建，以上既地方早已連陸，三門仔村亦已經搬左去大埔。
＊所以，而家要一遊白沙頭已經無以前咁困難，你只需要一雙腳，或加上單車。車路最盡只可以去到東頭洲，有興趣既話我建議你搬上南副壩繼續踩。
＊南副壩係船灣四條壩之中唯一既溢洪壩，景色相當不俗，可以望晒成個赤門，當然仲有長度為無限既黃竹角咀。欣賞完風景之後沿路折返，路過東頭洲碼頭。
＊白沙頭基本上係無單車架，除非你好似我咁，有辦法將架車運過大壩尾道鐵閘…沿住島上既馬路隨意亂衝，感覺十分良好。
＊大壩睇日落，面前既係金光閃閃既淡水湖，仲有黃嶺群巒做背景，唔錯。最後飛返大圍交車，真係漫漫長路…