• 西港島線
• 2006年01月28日
• 艱險指數
• 念慈指數
• 庵友：Chyee, Wo
• 修行路線
• 

＊難得和哥哥有假，去港島西部閒遊一下。

＊香港仔會合和哥哥，香工隔離入溯下塘坑。下塘坑又名香工坑，西部名澗之一，其澗床闊度可以同青大雙潭等匹敵，可惜水質太差，搞到長年無人問津…澗邊設有水管路一條，可以隨時入澗離澗，十分方便。越過澗口既小瀑，面前既係一大段平流，仲有一大堆惡狗…

＊條澗真係闊到離譜，六線行車都無問題。轉兩個彎見到幻彩飛流一道，闊到碧水灘咁款唔在講，瀑壁更加比上游既污染物染成五顏六色，蔚為奇觀，大可以美其名為『塘三彩』，相信夏天大水既時候會好壯觀。

＊夠皮，行一段澗行一段山路算。到水塘，行上少少沿引水道西行。

＊引水道邊盡是晨運園地，連京奧花圃都有，愛國得黎又夠晒別緻…

＊過薑花澗，進入奇力南麓，見到奇力A坑既飛瀑同埋一個熱褲伯伯，真係唔怕凍死…

＊奇力B坑。奇力C坑。

＊田灣飛流，半人工半天然，幾特別，但睇個勢真係幾險下，跣一跣係咁先…

＊沿崖中既港島徑石級上行，上到頂又接返引水道，向薄扶林水塘方向行，順便睇下人騎馬。

＊薄扶林水塘有唔少值得一玩既澗，包括爐峰石澗同西薄坑。

＊當然唔少得呢塊大波板。

＊閒逛完水塘，接返港島徑上夏力道，即刻變撻行模式…最後西太峽經克頓道落山完成。