• 南朗山
• 2005年12月30日
• 艱險指數
• 念慈指數
• 庵友：住持
• 修行路線
• 

＊南朗山又名磚頭山，高海拔二百八十四米，雖然佢只係南區一座孤獨既小山，平平無奇，但因為盛產海馬既關係，認識佢既人的確唔少。

＊香港仔起步，黃竹坑沿南朗山道直入，景觀唔錯，有幾個開揚位可以睇晒成個香港仔海峽。轉彎位前上山，一路都係超靚石級。

＊靚石級只係去到山腰個亭，之後就轉入大過麥徑既晨運徑，上多幾個字就會去到直昇機坪，隔離有石級上頂。

＊一登南朗之巔，風景一流，除左望到東面既深淺水灣，仲可以望到腳下既海馬纜車，唔錯。

＊懸崖邊既晨運園地。遊畢南朗山，沿路落返山，出香港仔t模式。

＊繼續下半場。貝璐道穿過墳場上山，薑花澗後接港島徑引水道。

＊引水道邊有唔少荒坑飛瀑，有水既話應該幾有睇頭。

＊過田灣飛流後上山，穿越奇力南麓既絕壁，繼續逆走港島徑。

＊落薄扶林水塘，中途會經過一段馳馬徑，唔少有錢人上黎騎馬踱步。

＊壩頭石級上配水庫接返港島徑上山，夏力道直出山頂，舊山頂道落山收工。