- 請友獨鐘
- 2009年05月17日
- 艱險指數
- 念慈指數
- 庵友：流文
- 修行路線
／前傳
＊解說一下：請友獨鐘，意思係邀請友人一起獨木鐘…自冷雷魔掌脫出以黎，對請友獨鐘情有獨鍾。零七，二人模式；零八，二人模式；到左零九年既今日，依然維持二人模式，而且依然係一男一女既黃金組合…不過，因為旅程既下半部份相機無故被raku至入水，加上要全力照顧垂死既夫人嘉文，所以相片欠奉…為作補償，首先回一回帶睇下獨木鐘零八既花絮。說穿了，其實都係想寫少個重覆了n次既遊記姐…=_=
＊詳盡既請友獨鐘V.2008就此作結，請繼續收看更精彩既V.2009，謝謝。
＊嘉文深知自己即將卸任住持夫人，於是趁住持仲未北上為人民服務，主動要求雙人泛舟…佢十分令人感動既熱誠，加上同佢十分成熟既感情，作為住持既當然唔少得黎個賣豬仔模式，行程由原本既北潭涌曝罟灣之流自動upgrade至獨木鐘…
＊金髮造型既嘉文，真係吸引死人…出發，來點新意思，今日係順方向的鐘。
＊吊鐘在前。滘西水道在旁。
＊黎到吊鐘東岸，穿越匙洲門後風浪稍大，為左浪費一下嘉文既體力，迫使佢穿越呢道狹窄既石罅A…
＊突然累了…嘉文：『原來我撐著撐到麻了，原來我不愛了…』
＊吊鐘東岸。
＊穿越企山咀既石罅B，進入南岸段，火山岩岩岸更為stunning。
＊吊鐘南岸既地標之一：無名三角石排，十分巨大，下次獨木鐘要搵機會埋岸穿越一下，增加一下念慈指數。吊鐘洲南端既石罅C，位於孖仔排以北，根據相片既顯示，嘉文開始昏厥了，亦意味住下半場可能要出動拖艇模式…
＊吊鐘南岸西段。地標之二：潮音洞。
＊潮音洞前右轉入請友獨鐘既目的地吊鐘洞，先進行一連串既指定動作：穿越海蝕拱，撐向洞內既巨石灘，擱淺，棄艇逃生，掏出那充滿鹽份既麵包，然後大休…二人既division of labour亦十分出色，住持負責為遊記相片努力努力，而垂死既嘉文則負責昏倒在石上…
＊攀上石灘後既岩崖，一睹洞內瑤池既全貌，不論構圖色調皆十分完美，扇形既洞壁，巨石嶙峋既海床，配以北龍既水色，幾乎形成一種空氣，甚至是一種壓力，一種誘惑…
＊鐘景，無得揮…
＊將艇面繩解開當作拖繩，然後將昏睡中既嘉文搬運落艇，離開吊鐘洞，旅程才真正開始…兩架黃艇既重量，加上崩潰成液態既嘉文，實在令人overload…更甚既係，撐撐下聽到身後傳來一兩下嘔吐之聲，緊隨既係一兩摩爾既胃液，連帶一d唔知咩東西一齊跌落海既聲音，忽然有一股想將拖繩剪掉既衝動…=_=唔…就係咁，為左可以快d斬纜，唔想再同佢拖拖拉拉，不知不覺愈撐愈快，完全無視後面既嘉文仲有無呼吸同脈搏…十年後，終於上岸回復單身…