• 三丫口
• 2008年05月24日
• 艱險指數
• 念慈指數
• 庵友：流勤曉德文威
• 修行路線
• 

＊繼零七年風雨曝罟之後，一眾庵中獨木學員再度造訪冷雷。由於庵友們均學藝未精，住持唯有繼續陪大家閒盪西貢內海。

＊今日除左有黎挑戰三星既四位庵友之外，更有零星隊員一名，一黎到即刻比冷雷戲稱為『無謂人』，真幸運…上晝既活動分成兩個小隊進行，無謂人有幸跟住冷雷搵食，而住持就奉命帶領其餘隊員深入北潭涌。起航無耐就發現左一個人生既悲哀，嘉文對於直線行進有非常嚴重既障礙，佢架艇既前進路線永遠同我地互相垂直…=_=

＊北潭涌，一如以往既平靜，樹影下泛起既圈圈漣漪，為復興橋下既一對新人增添一份甜蜜既詩情畫意。

＊馬路底落艇小休一會，之後沿路回巢用膳。由於一眾庵友開始撻皮，最終比目標時間慢左兩個字有多先返到檔口，再次淪為冷雷既笑柄。

＊下晝兩個小隊黎一個swap，四名庵友接受冷雷既三星特訓，而住持就負責帶領無謂人進入三丫口。三丫口正對冷雷基地，為鹽滘玉帶橋以北既一個小峽灣，現已開闢成鹽田仔避風塘，灣北築有三道小防波堤，把灣口的三個小島連成一線，將整個峽灣封起。過馬路，繞過防波堤，進入避風塘既範圍。

＊風平浪靜既三丫口。

＊穿越三丫口，玉帶橋腳落艇上岸閒逛一下。

＊登陸鹽田仔，上山行個圈感受下對岸擊走場既一片青春氣息。

＊離開三丫口，過馬路返去會合特訓中既庵友，發現張曉長老已經戰死左，聽聞佢係因為苦練壓水平衡期間失去平衡而比蠔宿叔叔斬至重傷，poor him…

＊可憐既張曉經過冷雷既悉心治理後，從此絕跡於古浪聚…