• 風雨曝罟
• 2007年06月30日
• 艱險指數
• 念慈指數
• 庵友：流曉童勤文鴨燕
• 修行路線
• 

＊零七年古浪四聚，獨木新星海倫獲邀加入，更有私人助教，單對單既教學方式令他十分幸福…另外，午後既風雨令今日變得不平凡。

＊一大清早德勤竟然打黎話唔知醒，唯有暫時拋棄佢…但一眾庵友為左體現團隊精神，點都要等埋佢先肯落水。上晝時間無多，岸邊練下技術算數，四位二星學員主打HI船尾舵，另一邊廂，一星既海倫就同燕助教玩下遊戲咁…

＊唔知邊個咁得閒整左架潛水艇出黎，嘉文見狀立即進入瘋狂狀態，撐住架潛水艇亂咁衝，仲特登衝埋過隔離班比人恥笑，情況一發不可收拾…

＊換架rescue艇再玩，其他學員竟然陪佢癲埋一份，完全無視教練既指示，集體荒廢學業…=_=

＊肥鴨試玩潛水艇，基於佢既質量極高，一坐落去即刻成架艇沉沒了剩低首爾市，加上佢獨有既In艇功能，架艇既穩定性係100，達致完全不能動彈既境界…（註：In係一個數學符號。）

＊玩夠皮入屋食飯，燕助教亦功成身退。食完飯諗住早d落艇，點知落到去一望，見到一舊強度極高既狂風雷暴高速橫掃緊過黎，失去理智既庵友們決定同佢黎個硬碰…風暴既中心唔駛半分鐘就由對面鹽田仔殺到過黎，庵友們亦唔駛半秒鐘就宣佈無條件投降，轉身逃走。可惜一切已經太遲，暴雨將眼前既能見度降至幾納米，仲要係咁比狂風吹起既大小沙石亂槍掃射，痛到崩潰…

＊幾經辛苦典返入屋，狂風雷暴持續左足足一個鐘，眾庵友唯有搵d野打發下時間，包括玩下無聊遊戲，開下浴室會議等等。

＊三點幾終於停雨，落艇。全身盡濕既情況，唔郁都還可以，一郁就真係凍到變冰條俠，要撐好耐先有返溫暖既感覺…

＊暴雨後既海面基本上係一個完全靜止既狀態，零漣漪，同一塊鏡無分別。好快就到左曝罟灣。

＊晏晝大退，唔可以直接穿門而入，唯有擺低架艇行入去。一登圍壆，順時針黎個環湖，順便加插獨木橋環節，嘉文猶豫左十年都唔敢過…=_=

＊水退既塘底係一大片濕地，成為庵友們研究生物既好地方，彈塗魚，寶石海星，海蔘，海膽，蟹，可謂應有盡有。

＊完成一圈，係時候回程，好好彩d艇無比浪沖走到…撐撐下嘉文又唔知想點，停低賴死唔肯撐，結果搞到成五點先返到去，最後當然要比冷雷恥笑一番…