- 白筆山海岸
- 2007年02月19日
- 艱險指數
- 念慈指數
- 庵友：住持，流領隊
- 修行路線
＊白筆山半島係大潭灣西岸既一個小半島，半島既最高峰係白筆山，又名紅山，高海拔一百一十三米，四周山腰位置建有豪宅紅山半島。
＊塘口起步，落碼頭開始綑，初段都只係普通既泥灘，綑綑下無啦啦有成堆狗飛撲出黎，嚇死，原來前面d爛鐵皮居然仲有人住…
＊轉個彎就脫離泥灘，進入岩岸段。春日既大潭灣海平如鏡，非常寧靜。
＊路過傳說中既無字碑。無字碑俗稱石筆，地圖標示為石碑，一共有兩支，石碑山與白筆山各有一支，鎮守大潭港口，聽講係打仗時候既潛艇航標。
＊過左石筆之後既海岸明顯變得更陡峭，先遇到一連串小海蝕隙，唔落水泳綑唯有屈上壁頂過，斜度超過一百度既崖壁，加上壁頂既荊棘碎泥，都係小心d好。
＊之後又有另一個騎呢位，一條方形海蝕隙。海蝕隙入面係一個小型石春灘，兩邊係兩三米高既直牆，手腳位唔錯但風化得好犀利。典落石灘之後研究左好耐都上唔到另一邊，安全第一，最後決定間水行出去搵個好少少既位上，好在今日係涼鞋模式…
＊最後一段回歸平淡，雖然有d位好斜，可以行既位唔多，但一路都設置左好多人工手腳位，大可以掂行掂過。綑到龜背灣欣賞下岸邊繁茂既海草，上大潭道搭車返柴灣t模式。