- 長洲花瓶
- 2004年10月21日
- 艱險指數
- 念慈指數
- 庵友：流邦
- 修行路線
＊學校旅行，的確係綑邊既好時機…今日既目的地係長洲，咁大個島，我要去綑邊你絕對阻止唔到，非常好…=_=
＊一落船即刻混入人堆，成功脫離鴨仔團。穿過市集，去到觀音灣，沙灘尾開始順時針綑，初段都係一般既爛石頭海岸，無乜特別，大可以直行直過。過左饅頭石個亭，行前少少就會見到今日既主角花瓶石。
＊呢個角度既花瓶石突兀到離譜，似花瓶定似中間隻手指就真係見仁見智。臨到花瓶石之前，你會遇到一個騎呢位，一幅幾米高既直壁，friction真係夠晒，但手腳位唔多理想，好彩靠一靠條霉到爛晒既麻繩都仲勉強典到上去。
＊典過左呢個三星位，望見家鄉了。花瓶石隔離有舊叮噹石，有無人知究竟點叮噹法…
＊要一登花瓶插花其實唔難，因為花瓶石既背面風化到一個個窿，好似樓梯咁比你上，當然，有無膽就係另一回事。另一角度既花瓶石會變成一隻海狗，相似度有返咁上下。
＊綑夠收手，踏上小長城，沿路有唔少塗鴉。
＊小長城行到尾會見到玉璽一個，呢度亦係長洲東極，風景唔錯。賞罷，上返明暉路出觀音灣完成。