• 青大奇遇記
• 2006年08月07日
• 艱險指數
• 經典指數
• 庵友：Chyee, Lun, Stanley, AT, Michael, Marcus
• 修行路線
• 

＊青大石澗，花崗岩石澗之首，擁有龐大既水系，寬廣既澗床，精彩既潭瀑，以及奇遇既機會…

＊七月十四，一切都變得好驚嚇，搭上一架人瑞小巴…下白泥起步，村路入大水坑，爬鐵閘過橋沿澗邊小路行，密到離譜，最後忍唔住就咁跳落澗算數…初段似河多過似澗，闊度同坡度與彌敦道無異，澗床全部都係粗沙，唯一辦法係除鞋行。去到水壩附近先有返少少石澗既感覺。

＊沖走佢啦…=_=

＊水壩之後繼續都係巨型沙澗，行左k幾都未上到廿米…

＊臥龍潭，以前的確係靚潭一個，而家愈黎愈淺，胡亂插水既話應該會成個人種左入d沙度…

＊行前兩步就到分源位，左邊係青大主源，右邊係大冷水，兩條都稱得上係大澗，景觀一絕，而且源遠流長。左轉入主源，巧遇一群頭巾人。

＊過左舊軍路口就會進入青大既戲玉，先黎一個流水闊瀑。瀑頂既位置突然變得極開揚，前面既澗道變成一條直線，盡頭係一個巨大既落差位，青大四疊。

＊青大四疊係花崗岩石澗既精髓，除左擁有一貫開揚廣闊，水清石潔既特質之外，仲有極為罕見既巨大落差，產生一連串漂亮既潭瀑，可粗分為四層，故名四疊。

＊四疊入面，更有全澗最大既潭瀑，十餘尺既飛瀑下接一碗形深潭，與霜壁，馴鹿等名潭齊名。四疊潭水璧瑩，涼而不寒，加上飛瀑灑下撲面而來既清新瀑花，實在係炎炎夏日既渡假天堂。

＊你班街童…

＊十分！玩眉！

＊…=_=

＊天堂的生活，大概就是這樣。

＊大休左個幾兩個鐘，諗住執野走既時候，上演左一幕精彩既奇遇。話說臨走既時候見到兩個記者好辛苦咁沿澗典左上黎，佢地邀請我地落水玩多陣比佢地影相交差，見佢地咁有誠意，無理由拒絕啦，順便歎多陣世界都好。班友仔不斷爭取上鏡既機會，直到兩位記者滿意收手為止…

＊幫兩位記者完成任務之後，一行八人一齊離開。沿澗下降，回望金望閃閃既青大四疊，十分宏偉，有如荒漠之中既一道甘泉。

＊離澗沿舊軍路上山，一路同記者先生有講有笑。上到良景坳先黎一個大合照，順便休息一下。撞返今朝班頭巾人，見咁有緣，於是又幫佢地影返張合照。

＊奇遇當然無咁快結束，呢個時候記者先生為左答謝我地，竟然提出分兩轉車埋我地落山，實在太好人。就係咁，順風車模式為今日既奇遇畫上完美既句號。

＊九日後，某某日報既港聞版第二頁，刊出左幾張庵友們游水攀瀑跳潭既精彩相片，大到連樣都見到…而篇野既標題亦都非常出色，七隻大字：『石澗變殺童陷阱』…=_=