- 鹿雷轟頂
- 2005年08月24日
- 艱險指數
- 經典指數
- 庵友：流麒
- 修行路線
＊流麒組合重現，象徵死亡…北潭涌起步，西灣路茫茫，行十世都未完…中途突然灑左一陣雨，好彩黑雲後面有無限藍天白雲，令我地好放心繼續行。
＊西灣入澗，行入少少就到四疊名潭。
＊游完水繼續沿澗上溯，舉頭一望，開始意識到剛才見到既藍天白雲原來只係過眼雲煙…
＊情況非常不妙，個天極速由白變灰，再由灰變黑，黑過麥兜…=_=轉眼間，個天終於崩潰，暴雨係預料中事，但致命既雷系攻擊實在凌厲到離譜，頻率極高，而且距離極近，藍白色既電光不斷將我地包圍，大氣撕裂既巨響每一下都可以直接將耳膜震穿。呢個情況持續左整整一個鐘，我地亦都以掩耳盜鈴既姿態瑟縮左整整一個鐘…=_=事後諗返，如果我遲多兩分鐘先叫海倫熄電話，我諗我地已經係咁先…
＊一切回復平靜，劫後餘生既感覺真係好…上埋千絲瀑，鹿湖郊遊徑離澗出西灣亭，回走北潭涌，擁抱一下眼前既文明。
／後傳
＊五日後，心有不甘既庵友再次踏上雙鹿之路。
＊行西灣路經過田尾坑，見時候尚早，落去行一轉熱下身。沿澗一路落，先遇到放翠瀑，之後會遇到一個好有氣勢既落差位，丹壁飛瀑。
＊欣賞完丹壁飛瀑，沿澗上返西灣路繼續行程，呢個時候某人竟然出現中暑症狀…=_=搶救一輪都係無效，無計，今日係咁先…
＊西灣路返歸，中途經過大枕蓋南坑，落去補充下hp。最後出西貢t模式，完成修行。